Persónuverndarstefna Aukatíma

Hjá aukatimi.is leggjum við áherslu á að vernda persónuupplýsingar þínar og meðhöndla þær af ábyrgð. Í þessari persónuverndarstefnu útskýrum við hvaða upplýsingum við söfnum þegar þú notar bókunarkerfið okkar, í hvaða tilgangi þær eru notaðar og hvernig við varðveitum þær.

1. Ábyrgðaraðili

Ábyrgðaraðili vinnslu persónuupplýsinga er Aukatími, í umsjón Katrínar Tinnu.

Netfang: katrintinnas@gmail.com

2. Hvaða persónuupplýsingum söfnum við?

Þegar þú notar bókunarkerfi Aukatíma söfnum við þeim upplýsingum sem nauðsynlegar eru til að taka við bókunum og undirbúa kennslustundir. Það getur meðal annars verið:

• Grunnupplýsingar: Nafn, netfang og símanúmer.
• Námsupplýsingar: Skóli, skólastig, bekkur eða námsár og upplýsingar um áfanga, ef við á.
• Athugasemdir: Viðbótarupplýsingar sem þú velur að skrá í bókunina.
• Myndir: Myndir sem þú velur sjálf/ur að hlaða upp, ef við á.
• Bókunarupplýsingar: Dagsetning, tími, lengd og staða bókunar, svo sem hvort hún sé í bið eða hafi verið samþykkt.

Við söfnum aðeins þeim upplýsingum sem tengjast notkun bókunarkerfisins og tilgangi þjónustunnar.

3. Tilgangur og lagagrundvöllur vinnslu

Við vinnum með persónuupplýsingar í þeim tilgangi að:

• taka við og halda utan um bókanir;
• undirbúa og skipuleggja kennslustundir;
• hafa samband við þig vegna bókana og þjónustunnar;
• tryggja eðlilegan rekstur bókunarkerfisins.

Vinnslan byggist eftir atvikum á því að hún sé nauðsynleg til að efna samning við þig eða til að gæta lögmætra hagsmuna okkar af rekstri og umsýslu þjónustunnar. Ef þú hleður upp myndum á grundvelli samþykkis byggist vinnsla þeirra á því samþykki.

4. Varðveisla persónuupplýsinga

Við varðveitum persónuupplýsingar ekki lengur en þörf er á miðað við tilgang vinnslunnar.

Myndum sem hlaðið er upp vegna kennslustundar er eytt þegar viðkomandi kennslustund er lokið, nema sérstök ástæða sé til annars.

Bókunarupplýsingar eru varðveittar í takmarkaðan tíma vegna reksturs og umsýslu þjónustunnar. Þegar ekki er lengur þörf á að varðveita þær er þeim eytt eða þær gerðar ópersónugreinanlegar, eftir því sem við á.

5. Miðlun upplýsinga og þjónustuaðilar

Við seljum ekki persónuupplýsingar þínar til þriðja aðila.

Til að reka bókunarkerfið notum við þjónustuaðila sem kunna að vinna með persónuupplýsingar fyrir okkar hönd:

• Cloudflare: Hýsing og gagnageymsla.
• Resend: Sending tölvupósts, til dæmis vegna bókana og samskipta.

Þessir þjónustuaðilar vinna með upplýsingarnar í tengslum við þá þjónustu sem þeir veita okkur og samkvæmt viðeigandi skilmálum og samningum um vinnslu persónuupplýsinga.

6. Meðferð mynda

Ef þú hleður upp mynd í bókunarkerfið er hún notuð til að undirbúa viðkomandi kennslustund.

Myndirnar eru aðeins aðgengilegar þeim kennara sem bókunin tengist og eru ekki birtar opinberlega. Þeim er eytt þegar kennslustundinni er lokið.

Við endurskoðum persónuverndarstefnuna eftir þörfum til að tryggja að hún endurspegli meðferð persónuupplýsinga hjá aukatimi.is.